واØØ© كروان واحة كروان
الوظيفة : الهــواية : مـــــزاج : الوصف : القانون : تاريخ التسجيل : 26/12/2009 العمر : 59 كيف عرفت المنتدي : عدد المساهمات : 2891 نقاط : 27279 الاوسمة : السٌّمعَة : 3
| موضوع: رومانسية الليبيين!! الأربعاء أكتوبر 05, 2011 6:10 pm | |
| رومانسية الليبيين!!
هذا الموضوع شفته وعجبتني رومانسية الليبيين وان شاء الله تعجبكم
الرومانسية الاولى
المسكينة نادية ( مدرسة أعدادى) قالت : مرة وصلني راجلي للمدرسة
وقبل ما ننزل من السيارة قلت له : ( حنستاحشك )
لكن كشخ عليها ....... وقال لها : تي إنزلي يا مسكينه وسقدي روحك ... موش تشوفي فيا مسكر الشارع بسيارتي
الرومانسية التانية :
خيرية تذكرت رومانسية راجلها فقالت : مرة خطرت لي فكرة حلوة ... وقلت نشري لراجلي هدية حلوه ...
وفعلا إشريت له جهاز نقال ولفيته فى غلاف حلو وحطيت له ورقة صغيرة مكتوب فيها ... هدية لك يا زوجي الغالي ...
ولما استلم الهدية فتح الغلاف ومزقه ومزق معاه الورقة الصغيرة ... وقال لها : بكم شريتيه الموبايل ..
فقالت له : ب300 دينار ... فقال لها : زلبحوك يا درويشة يا هبله ... هذا حقه 50 دينار .. بس
الرومانسيةالثالثة :
سالمة قالت : مرة خطرلي بندير جو رومنسي مع راجلي ... فشريت شمعات وولعتهن فى دار النوم ...
وأول ما رجع مسعود راجلي وخش لدار النوم .. عفس علي وحدة من الشموع .. وعيط عيطة قوية ... وشرينها كف ...
وطبعا ... لحد اليوم قاعدة فى حوش بوها .... تستاهل ... لأنها حرقت له كراعه ...
الرومانسية الرابعة
أما الأخت رجاء فلها مع رومانسية راجلها أبوعجيلة ...حكاية جميلة....
قالت : مرة خطرلي بندير سهرة رومنسية ..... وشريت عشاء فاخر من المطعم ...
وبعد ما جهزت الدار وولعت الشموع وطفت الضي ورقدت الصغار ...
روح السيد بوعجيله ...
ونزل فى هاضك العشاء .... وبعد ما عبا بطنه وإستمخ ...
انبطح على ظهره وقاللها : نوضى الفروخ خليهم يجوا ياكلوا .....
فقالت له رجاء ...... وووووووووووووه وووه
الرومانسية الخامسة :
حكاية سعاد مع راجلها جمعة ...
قالت : مرة سمعت بفكرة رومنسية حلوة وهيا نثر الورود على سرير النوم ...
فقلت نجربها معاه ... ولما روح جمعة من العمل فى الليل وشاف السرير مشى رقد فى المربوعة ...
قالت له سعاد : ليش سيبت سرير دار النوم ورقدت في المربوعه ؟؟؟
قالها كيف بنرقد وانتي معبية السريرعشب ... تحسابيني خروف ...
جو .......جو ....ولااروع من هذه الرومانسيات .......... | |
|
بنت بنغازي حره مشرفة الواحة الاجتماعية
الوظيفة : الهــواية : مـــــزاج : الوصف : القانون : تاريخ التسجيل : 04/10/2011 العمر : 53 كيف عرفت المنتدي : عدد المساهمات : 444 نقاط : 19371 الاوسمة : السٌّمعَة : 3
| موضوع: الرد على رومانسية الليبيين الخميس أكتوبر 06, 2011 8:49 pm | |
| | |
|
واØØ© كروان واحة كروان
الوظيفة : الهــواية : مـــــزاج : الوصف : القانون : تاريخ التسجيل : 26/12/2009 العمر : 59 كيف عرفت المنتدي : عدد المساهمات : 2891 نقاط : 27279 الاوسمة : السٌّمعَة : 3
| موضوع: رد: رومانسية الليبيين!! الجمعة أكتوبر 07, 2011 9:49 pm | |
| شكرا اختى الكريمة لهدا الطرح والتعليق وبانتضار ردود الاخوة الاعضاء | |
|